انواع البنات ..علي الانترنت

العاقله

لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول شكرا..
واذا حد ارسل لها فايل أو رابط ا حطت له علامة استفهام وتسكت نص ساعه
ماتكلمه..
ولما تكون متحمسه في الكلام.. تكتب كل كلمة في سطر وتضغط انتر.. تخاف من
الاخطاء الاملائيه.
وضحكتها عبارة عن ابتسامه واذا كانت مبسوطه مررره تحط ثلاث ابتسامات.


المصلحجية

ماتسلم عليك إلا مرة في الشهر.. تدخل عليك فجأه وتحطلك ورده هههههه .. مع انها كل يوم
متواجده وساكته..
وتستخدم مشغول في الخارج.. واذااحتاجت مساعدة تجيك وتسلم عليك وتقول وينك من
زمان ماشفتك؟ شدعوه ماتسال علي؟
ترى اختي كل يوم تفتح ماسنجري واوصيها تبلغك السلام لاني مشغووولة حدي في
الدراسة.. لووووول حلوه الترقيعه
وبعد ماتخلص مصلحتها تقولك عن اذنك بروح أكمل مذاكره واختي بتجلس مكاني
لاتكلميها بليزلووووول


الرسميـة

ترتب المجموعات الى قسم العائله و قسم الزملاء فقط .. طبعا مافيه قسم أصدقاء..
وأغلب كلامها مثل.. احترم نفسك..
رجاء هذي أمور خاصة فيني.. ولما تساليها شخبارك؟ ترد انا بخير وتسكت.. واذا سلمتي
عليها ترد وعليكم السلام وتسكت..
ولما تعطيها اهداء تقولك شمعنا انا بالذات؟ لووول ياحياة الشقا.. واغلب وقتها
تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس

الهبلــة

هذي كل سوالفها ضحك.. وكل شوي تكتب نكته وتضحك لحالها.. وضحكتها طويله تقريبا
ثلاث سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة..
وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. ينقالها متابعة الاحداث
العالمية خخخخخخ.
وكل شوي تغير الصورة الجانبيه.. والنك.. ولون الخط لوووول


الدفشــة

تغيب أيام طويلة مدري وين تروح وترجع فجأة.. وكلماتها مثل.. شخبار امك عساها
طيبة؟ يادلخة.. انقلعي.. ضفي وجهك.. ابي فزعه.. لاتزعلين من اوخيتك تراني امزح..
ودايم تطيح الميانة.. وثقافتها ماتتعدى المتوسطه.. وتفكيرها في البر والتفحيط
والددسن.. والسااامري ..
وماتعرف من العطورات غير دهن العود ابوعشرين.. ولو كلمتها عن ماركة قوتشي او
ديور بتقولك مقاطعة الامريكان.. وضحكتها زي كذا هع هع هع
وتكتب بلون اسود لانها ماتعرف تغير الالوان هع

البطــــة

طباخة ممتازة وتحب تسولف عن الاكل.. ودايم جوعانه.. ونقطة ضعفها الجالكسي جواهر
والاندومي.. وقبل موعد العشا بساعه يكون مزاجها متعكر ودايخه و تسولف من غير
نفس..
ولما ينادونها للعشا تقفل الماسنجر بسرعة البرق.. لوووول وعادة يكون نكها
فراولة الرياض او شوكولاته أنيقة او رمانه مخصرة..
ودائما تتكلم عن تجاربها الفاشلة في الريجيم هع.. مستحيل تشوفها في النهار لان
الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها


البريئــة

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة
تتأثر.. وكل يوم تسألك كم عمرك؟
تعشق سبيستون وبينك بانثر و تحب تسولف عن الأزياء والتسريحات.. تتواجد في
العصر و المغرب لأنها تنام بدري .. ماعدا يوم الخميس طبعا هع
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في
المدرسه.. لو بلغتيها باسرارك بتفضحك في كل المنتديات..
تخاف من الأرنب والقطوه و أي شي يمشي على اربع رجيل.. حتى انت لو تمشي على اربع
بتخاف منك هع


الشينـــة

اسمها الحقيقي شقحا أو مزنة أو عنبره أو رقيه.. ويعايرونها في البيت ام
ضرس او الحولا او البطه او ام جبهة..
وتجي الماسنجر تتميلح وتقول اسمي الجوهره أو مشاعل اوفاتن او شهد او ريم.. 
 ودايم تنتقد و مايعجبها العجب.. واذا شافتك مشغولة انواع الهواش والشتايم
واذا عطيتيها وجه انواع الصفط والركب
تحتار كيف ترضيها.. تعطيها وردة تقولك ماحب الورود.. تعطيها كرت تقولك انا مو
بزره قدامك.. تشبه سنفور غضبان كل شي يضايقها وكل شي يزعلها..
تموت في الطقاقات.. ماتعرف تجامل ولاتمدح الا نفسها.. دايم
توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. أميرة.. الى آخره

المتزوجـة
هذي ممكن تكون سبب في كرهك للزواج.. كل سوالفهاعن مشاكل الزواج و غثى 
عيالها.. وفجأة تقولك برب وتروح تصايح على اعيالهاوترجع
وكل يوم تسألك متى ناوي تتزوج عشان نفرح فيك؟ واذا وصل زوجها للبيت تقفل
الماسنجر في وجهك وتطلع من غير لاتقول باي لوووول..
اوقاتها مختلفه مالهاوقت محدد.. وترز صورة اعيالها في الماسنجر ينقالها تحبهم
لوووول.. شعارها يازينحياة العزوبيه
نكها مثل المهمومه.. الجريحه.. المهاجره.. وتحب تسمع الكلامالعاطفي ..
مزاجها متقلب مره تضحك ومره تبكي واحيانا تنام على الكي بورد هع