خاص للعريس ...قبل يوم العرس

قبل العرس باسبوع:

لاتحلق ابداً لمدة اسبوع كامل ، علق ثيابك في بيتك مو تروح طرزان ، ثوب العرس والبشت جاهزين ،
ادواتك الشخصيه كامله وجاهزه ، فرشاه اسنان ، ماكينه الحلاقه ، عطوراتك ، ملابسك الخاصه ، بيجاما ، روب نوم فوق البجاما حق الكشخه.
نظف وجهك بالبخارقبل اسبوع من العرس ( علشان مايطلع وجهك منفخ في العرس) ،
احجز موعد عند الحلاق علشان حلاقه ومساج و الخ الخ الخ ..

يوم العرس:

خذ كفايتك من النوم ، بعد ماتقوم خذلك دوش دافي وتفرك زين
روق بالك وعقلك ، وفكر في افكار حلوه ورايقه علشان ينعكس الروقان على وجهك ،
(يعني لا تروح العرس وانت مكشر او مرتبك او او او.).

تغدى كويس لا تطيح علينا في العرس وتفشلنا ..

عشاء مافي ، لاتحلم انك تاكل في الليل علشان تكون خفيف ياخفيف ,,

(في واحد من مشفوح وتعشى قبل العرس وجاله تسمم من الاعصاب ليلتها ، وقضى الليله مابين الحمام والحمام ،
وكانت ليله مايعلم فيها الا ربنا ولين الحين نضحك عليه بسبتها ).

لآتنسى بخر الثوب والبشت وهدومك اللي بتلبسها كلها ،
روح موعدك للحلاق وخليه يسويلك حلاقه معتبره ومساج علشان يروح أي ضغط عصبي وريلاكس .

وهذه لفته على البيعه بانواع العطور الرجاليه الحلوه:
هافن
هريريرا
كارتييه
شانيل
بوشيرون
س ت ديبون

روح الحين لعرسك بدري مو تحسب نفسك معزوم
وتروح متاخر (يعنني اتغلى)..

لحظه الدخول لصاله النساء للقاء العروس:
سمي بالله ، ارسم ابتسامه حلوه ، وجه عيونك لعروستك اللي قاعده في الكوشه
(هذا اذا سوت فيك حركه نذاله وسبقتك للكوشه
وقعدت على الكرسي قبلك) .

اما اذا كنتوا ماشيين سوا:
امسك يدها بشويش مو تضغط عليها كنك خايف وماسك ايد امك
ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك .

بس خلاص نادوا الناس للعشاء وكل واحد يروح بيته ..

قلنا خلاص وش منتظرين؟؟

ايييه صح غنوا معهم:

ومباركين عرس الاثنين ، لا لا لا لحظه لاتروحون ..

ياخي خليك رومنسي شوي وشيلها قبل لاتدخلون الغرفه ،
خلي دمك خفيف شوي علشان تشيل الحواجز بينكم ويروح الاحراج والخوف