بالفيديو.. مرتضى منصور لـ«باسم يوسف»: «واضح إنك متعرفش تجربة شوبير وهتدوق جزمتي»

قال المحامي مرتضى منصور، عضو مجلس الشعب السابق، مخاطباً الإعلامي باسم يوسف، مقدم برنامج «البرنامج» على «سي بي سي»: «أنت بدأت بالعدوان، وشكلك متعرفش تجربتي مع أحمد شوبير، واللي يقل أدبه عليا هديله بالجزمة، وهدوقك جزمتي».

وقال «منصور» في مداخلة على قناة «الفراعين»، مساء الجمعة: «وحياة (..) يا باسم لأخليك تندم»، مضيفاً: «أنا كنت بقول لزكريا عزمي في عز جبروته إنت بتخرب مصر، في الوقت ده يا باسم (أنت و..) كنتوا مستخبيين تحت السرير».

وأضاف: «أنا مش بلطجي ولا فتوة أنا عندي ناس بالملايين في الصعيد والمنوفية والبحيرة وكفر الشيخ، يا باسم إنت فرحان بـ(البنات ...) اللي بييجوا معاك وتقعدوا تقولوا هأهأهأ».

وهدد بقوله: «لو كان البرنامج على الهواء والله مكنش يقدر باسم يوسف يكمله، هستخدم حقي القانوني ضده».

وواصل تهديده قائلاً: «واضح إنك متعرفش تجربتي مع شوبير ومع غيره وغيره، وأنا سعيد باللي عملته يا باسم النهاردة، علشان مصر كلها تعرف إن إنت اللي بدأ بالعدوان»، مضيفاً: «هتتكلم عليا بقلة أدب هديك بالجزمة، وهتدوق جزمتي و(حياة ...)».

كان باسم يوسف قد عرض فيديوهات لهجوم مرتضى منصور على الرئيس مرسي في حلقة، الجمعة، حينما قال إن «البلتاجي شبه اللمبي، ومرسي بيرجع في قراراته زي عبد الفتاح القصري».

ورداً على ما ذكره مرتضى منصور بأن باسم يوسف لا يستطيع أن يذكر اسمه في البرنامج، قام «يوسف» بترديد أغنية «يا مرتضى يا مرتضى.. أنا جبت سيرتك يا مرتضى.. عندك سي دي هددني بيه.. هات آخرك يا مرتضى».

وقال باسم يوسف إن هجوم منصور عليه لـ«غيابه عن الأضواء الإعلامية الفترة الماضية، وهاجمه ليظهر على الساحه مرة أخرى»، مضيفاً: «يقبل أي دور، يدافع عن مرسي يدافع عن مبارك، يجري على خالد عبد الله وتوفيق عكاشة، المهم الأضواء متروحش بعيد عنه».

وخاطب باسم يوسف مرتضى منصور، قائلاً: «اشتم شوه طلع عليا إشاعات، هو ده تمامك، إنت ملك السيديهات وإحنا ملوك الفيديوهات، جيب آخرك إحنا لسه في الأول، خد كام أسبوع تتكلم عننا، لكننا هنرد وقت ما نحب نرد، مش وقت ما تحب أنت ترد».